Dae makakapagkawat si Justin Brownlee sa pagsabak kan Gilas Pilipinas sa Southeast Asian Games (SEA Games) sa bulan nin Disyembre sa Thailand.
Kasunod ini sa pagbabawal kan organizer sa mga naturalized player na magkawat.
Mantang si Ange Kouame an tutugutang magkawat sa 3×3 basketball na puwedeng magsabak an mga naturalized players.
Huli digde, piglalaoman na mairiribay na magkawat si Jamie Malonzo na iyong masabak sa first window kan FIBA Basketball World Cup Asian Qualifiers kontra sa Guam.
Marurumduman, magigin coach kan Gilas Pilipinas sa SEA Games si Norman Black kun saen nagkapira sa mga makawat iyo sinda Ray Parks, Thirdy Ravena, Remy Martin, Matthew Wright, Jason Brickman, Dave Ildefonso, Brandon Ganuelas-Rosser, Mike Phillips, Kymani Ladi, asin Veejay Pre.
