Padagos an pag abot nin mga tabang sa Myanmar gikan sa ibang kataraid na nasyon makalihis an pagtama kan makusog na magnitude 7.7 na linog.
Nagkapira sa mga nagpadara nin tabang nin pagkakan magin magin tauhan ay gikan sa China, Malaysia, Singapore asin man Russia. Pinaparikas kan United Nations an mga relief supplies sa mga survivors sa central Myanmar.
Nagpahayag na man an US na matao nin $2-milyon na tabang sa mga biktima kan linog.
Nangapudan si U.N. Special Envoy on Myanmar Julie Bishop sa mga military junta na namamayo sa Myanmar na paagihon ninda an mga tabang para sa mga biktima kan nasambitan ng linog.
Magigirumdumang nagpakol na sa 2,065 an binawian nin buhay asin man haros 4,000 na an irido kabali na an 270 na mga nawawara huli sa nangyari na linog sa Myanmar.
Kan nakalihis na aldaw nin Lunes, kan ipautob kan Myanmar an sarong semana na pagluluksa huli man sa labing mga naging danyos dara kan linog.
