Dai pa segurado si Gilas Pilipinas head coach Tim Cone kun makakaiba ninda si Kai Sotto para sa ikalimang “window” kan FIBA World Cup Asia qualifying window na gigibuhon sa Seremban, Malaysia.
Makakahampang kan Gilas an Syria sa Nobyembre 27 asin an Iran man sa maabot na Nobyembre 29.
Target kan Gilas an saro sa walong “slots” na nakareserba para sa Asya asin Oceania sa FIBA World Cup sa Doha poon Agosto 27 sagkod Setyembre 12.
Sa presente, nasa ikalimang pwesto an Gilas sa anom na koponan sa Group E kun sain duwa na sanang qualifying “windows” an natatada.
Igwa an Gilas nin apat na kapangganahan asin apat na pagkadaog sa Group E, kun sain nanginot an Australia na may walong kapangganahan asin mayo pang pagkadaog.
Kun masweep kan Gilas an duwang kawat, magkakaigwa sinda nin anom na kapangganahan asin apat na pagkadaog, kun sain an huring “window” kan Gilas gigibuhon sa SM Seaside Arena sa Cebu kontra sa Jordan sa Pebrero 26 asin sa Syria sa Marso 1.
Sa huring “window” kan kawat kan Gilas, kan nadaog ninda an Jordan asin Iran, ini an pinakahuring kawat ni Kai Sotto.
An 24-anyos na si Sotto nagkakawat pa man giraray sa Japan B-League.
Inako man ni Cone na igwang dakulang tsansa na makakakawat na si Benny Boatwright matapos makumpleto an saiyang naturalization.
