NAGA CITY – Primerong rason sa pag-migrate kan mga Filipino Nurses sa ibang nasyon iyo an kakulangan kan suporta gikan sa gobyerno.
Sa entrevista kan Bombo Radyo Naga ki Virginia Contreras, Registered Nurse of San Francisco, California, pigsaysay kaini na na an mga earning opportunity kan mga Filipino nurses digde sa Pilipinas limited, asin man an mga bagong nurse sa sarong ospital nagpapakol sana sa P10,000 an nagigin sweldo asin kulang pa soboot sa pigbayad sa tuition kaya man kadakol an nagpupursige na magluwas sa nasyon.
Dugang pa digde na sa luwas man kan nasyon igwang pig-aapod na economic remuneration iyo ini an oras an pigbabayadan asin maski na mag stay soboot nin sarong oras, doble an ibabayad sa empleyado, may mga benifits asin man kun mabaldado soboot an empleyado igwang pigtatao na short-term disability.
Sigun pa man ki Contreras na, sa ibang nasyon itatrato komo sarong professional huli man ta igwa nin degree.
Nagkakaigwa pa man soboot motibasyon an mga Filipino nurses na magluwas sa nasyon tanganing matabangan an pamilya na yaon man sa Pilipinas.
Pigtawan-duon pa man ni Contreras na kaya man soboot nag-adal ini nag-aradal nin nursing tangani man nakakuang trabaho overseas huli ta an demand bako sana sa US, pwede man soboot sa Singapore, Saudi Arabia, Dubai, asin UK.
