Mayong nareseber na impormasyon an kampo ni dating Presidente Rodrigo Duterte dapit sa arrest warrant na pigluwas kan International Criminal court (ICC) kontra ki Senator Ronald “Bato” Dela Rosa.
Sigun sa abogado ni dating Presidente na si Nicholas Kaufman, bakong logical kun igwang bagong warrant mantang nakabinbin pa an apelar na nagkukwestiyon sa hurisdiksyon kan ICC sa Pilipinas.
Marurumduman kan Mayo, pigtawan duon kan kampo ni Duterte na dae dapat usigon kan ICC an dating Presidente huli ta nag-atras na an nasyon sa Rome Statute.
Ginibo kan kampo ni dating Presidente an paglilinaw makalihis sabihon ni dating Presidential Spokesman Atty. Harry Roque asin Ombudsman Jesus Crispin Remulla na igwang nag-iiral na arrest warrant kontra ki Dela Rosa, alagad dae ini pigkumpirmar o inibahan kan dokumento.
Naenot ng nagsunad si Dela Rosa kan urgent plea sa Korte Suprema para sa temporary restraining order kontra sa sinasabing arrest warrant.
Puon kan Nobyembre 11, dae na nag-atendir si Dela Rosa sa Senate sessions.
Nagsayuma man an ICC kan Nobyembre 10 na kumpirmahon an existence kan warrant.
Si Dela Rosa, na nagseserbeng PNP chief, an nagpirma sa Project Double Barrel, an primerong polisya sa drug war kan administrasyon Duterte.
