NAGA CITY-Ma-apelar an kampo ni Bamban, Tarlac Mayor Alice Guo na haleon an suspensiyon laban saiya.
Sigun sa abogado kaini na si Atty. Stephen David, sa katotoohan mayo soboot ebidensya sa reklamo laban sa saiyang kliyente.
Marurumduman na enot nang pigsuspinder kan Office of the Ombudsman kan Lunes sina Guo asin 2 pang opisyal kan Bamban hasta sa 6 na bulan mantang nakabinbin an mga resulta kan imbestigasyon sa reklamong pigsunad kan Department of the Interior and Local Government.
Ini katakod kan soboot ilegal na mga aktibidad sa Philippine Offshore Gaming Operator complex sa banwaan nin Bamban na pigtatakod sa alkalde.
Sigun ki Ombudsman Samuel Martires, pinagsugo kaini an suspensiyon sa alkalde kaibanan an business permit asin licensing officer na si Edwin Ocampo tanganing malikayan kan mga ini na maimpluwensyahan an pigsasagibong imbestigasyon.
Pigheras man kan Ombudsman na posibleng mahale komo alkalde si Guo pag napatotoohang guilty ini.
Mientrastanto sa lado man kan alkalde enot na kaining pigsambit na makikipagtabangan ini sa mga awtoridad.
Nag-uuyon man soboot ini sa proseso kan ley asin pig-aako kaini an desisyon kan Ombudsman, siring man ilalaban pa man soboot kaini an saiyang kaso.
