Mamamatean na kan mga konsumidor sa maabot na Nobyembre an pagbaba kan singil matapos magpaluwas an Bureau of Internal Revenue (BIR), sa pamamayo ni Commissioner Charlito Martin R. Mendoza, nin Revenue Memorandum Circular No. 97-2026 kan Setyembre 14, 2026.
Sa irarom kaini, tulos nang hinale an 12% Value-Added Tax (VAT) sa allowable system loss charge na sakop kan cap kan Energy Regulatory Commission (ERC). Katuyuhan kaini na mainaan an bulanan na gastos kan mga konsumidor sa saindang kuryente.
Huli kaini, tinatantyang maabot sa P20 sagkod P30 an nahahale na VAT component kan system loss charge. Para man sa sarong ordinaryong pamilya o household na nagkokonsumo nin 200 kWh kada bulan, posibleng umabot sa sagkod P20 an saindang matitipid.
Ikinaugma ini kan dakol na konsumidor, segun ki Daisy Villas, sarong residente kan Makati, dakulang tabang ini tanganing pandagdag sa gastos sa aro-aldaw na pagkakan.
Pareho man an sentimyento ni Benjamin Dy. Aniya, “isang magandang hakbang ito mula sa pamahalaan dahil anuman ang estado sa buhay mahirap man o mayaman ay parehong makikinabang.”
Alagad hirit kan nagkapira, arog ni Alberto Barbitcho, sarong delivery rider, “sana ay magkaroon pa ng ibang paraan upang mas maipababa pa ang singil sa kuryente sa gitna ng pagmahal ng mga bilihin”.
