Nag-atubang kan nakalihis na aldaw nin Martes, Hunyo 10 2025 sa isinagibong arraignment an kampo ni dating Negros Oriental Congressman Arnolfo ‘Arnie’ Teves Jr. asin an ibong na lado ni Congresswoman-elect Janice Degamo na agom kan ginadan na dating gobernador na si Roel Degamo.
Pigsagibo an nasambitan ng pagbasa kan sakdal sa Manila Regional Trial Court Branch 51, sa syudad kan Maynila na nagdurar nin nasa haros duwang oras.
Digde man inatubang kan nasasakdal na si former Congressman Arnie Teves Jr. an mga kinaka-imbweltuhan kaining kaso na may kinaraman sa paggadan sa dating gobernador kan Negros Oriental na si Roel Degamo kan nakalihis na 2023.
Kinakaatubang kaini an 10 counts of murder, 13 counts of frustrated murder, asin 4 counts of attempted murder makalihis ining itukdo komo mastermind sa likod ng nagin madugong paggadan, duwang taon an nakalilihis.
Alagad sa isinagibong pagbasa kan sakdal, nakasaro pang utro na nagsayuma na maglaog nin ‘not guilty plea’ an dating kongresista kaya man an korte na an naggibo kaini para man saiya.
Ini mismo an nagin pahayag kan saiyang abogado na si Atty. Ferdinand Topacio na soboot ini an saiyang suhestyon o instruction para sa saiyang kliyente.
Mientrastanto, sa lado man ninda Congresswoman-elect Janice Degamo, an saiyang abogado an iyong kumatawan para sa saindang pag atendir. Kaya mahigot man na inihayag kan abogado kaini na si Atty. Andrei Bon Tagum na an pagsasagibo kan sarong arraignment an iyong kritikal tangani dagusan nang makua an hustisya.
Huli man digde, pidugang pa kan abogado an mga kaganapang nangyari sa laog kan korte mantang pigsasagibo an pagbasa kan sakdal.
Nilalaoman na isasagibo an masunod na pag atubang ni former Congressman Arnie Teves sa korte sa bulan nin Agosto kun saen nakaskedyul an pre-trial kaini sa mga kasong may kinaraman sa paggadan.
