Hahagadon kan Department of Justice (DOJ) na kanselaron an pasaporte ni dating Philippine Charity Sweepstakes Office (PCSO) general manager Royina Garma makalihis magluwas an trial court nin arrest order kontra sa saiya.
Sinaysay ni Justice Secretary Jesus Crispin C. Remulla na kaipuhang magsunad nin petisyon an DOJ para sa pagkanselar kan pasaporte sa korte.
Siringpaman, nagtutubod pa man ini na mabalik si Garma sa Pilipinas.
Marurumdumang naghali si Garma sa nasyon kan nakalihis na Setyembre 7 tangani na magin saksi kontra ki dating Presidente Rodrigo Duterte sa hampang kan International Criminal Court (ICC) sa The Hague, Netherlands.
Sinaysay ni Remulla na aram kan ICC na si Garma an nahahampang sa mga kaso kan hagadon sa saiya na magin saksi.
Pag uulayan ninda National Bureau of Investigation (NBI) Director Jaime B. Santiago kun dapat hagadon sa International Criminal Police Organization (Interpol) na mag-isyu nin “red notice” kontra ki Garma.
