Pigsierto ni House Committee on Public Order and Safety Chair Rolando Valeriano na tatawan nin pokus asin masusing pag-aadalan kan Kongreso an kaso kan mga nawawarang sabungero.
Sigun ki Valeriano, bako sanang bastante an pagdakop sa mga suspek na responsable sa mga pagkawara; kaipuhan soboot mag-abot an mga kaso sa sarong pinal asin dae na mababawing hatol tanganing labing masierto an pag-abot kan hustisya para sa mga biktima asin saindang mga mahal sa buhay.
Pigtawan-duon ni Valeriano an mga nakalihis na kontrobersiyal na kaso na sa kasamaang palad, nabasura asin dae na nag-usad huli sa mga teknikalidad.
Kaibahan na soboot digde an mga sala sa pagsusunad kan sakdal, pagkawara kan mga testigo na kudta na mapatotoo, naraot na chain of custody kan mge ebidesiya, asin kakulangan nin bastante asin matibay na ebidesniya tanganing mapatotoohan an pagkakasala kan mga akusado.
Huli digde, nangapodan ini sa Department of Justice na siertuhong matibay an mga kasong isusunad sa korte, tanganing kun siring, dae mabigo an pag-abot kan hustisya para sa mga biktima kan krimen asin saindang mga pamilya na naglalaom sa katarungan.
Katakod kaini, sa 18 akusado na igwang warrant of arrest na iniluwas kan korte, si Atong Ang na sana sa presente an dae pa naaarestar asin kapot kan mga otoridad.
