Nagpaluwas an Kapisanan ng mga Brodkaster ng Pilipinas (KBP) nin opisyal na pahayag ngonian na aldaw, Agosto 18, 2026, na nangangapudan sa gabos na mga news outlet, mga peryodista o journalist, mga content creators asin naggagamit nin social media na magin responsable asin sensitibo sa pagreport kan insidente nin pambabadil sa eskwelahan sa Zamboanga City.
Marigon na pinapagirumdom kan KBP, na an pangaran, ngaran o iba pang detalye kan menor de edad na imbwelto sa insidente dae dapat ipost, ishare, o ibalangibog tanganing maprotehiran an saindang dignidad laban sa trauma asin public sensationalism.
Segun sa KBP, bawal an magshare nin graphic images, uncensored media, o footage kan victima asin kan saindang familia bilang respeto sa saindang privacy.
Tinaw an duon pa man kan KBP na gibuhong prayoridad an sensitivity asin kasalbaduhan kan katauhan kaysa sa “breaking news,” na nagtataong likes or views sa mga content creators asin iba pang news outlets.
Mientrastanto, nagpaabot man nin pakikidumamay an KBP sa mga naapektaran kan trahedya.
