Nagsalang sa mga serye kan workout an bagitong Filipino forward na si Kevin Quiambao kaiba an limang NBA team.
Sigun ki Gilas Pilipinas head coach Tim Cone, parte ini kan pagmamawot ni Quiambao na makalaog pa sa NBA Summer League na presenteng pigsasagibo sa nasambitan ng liga.
Enot nang naireport an posibleng pagkakawat ni Quiambao sa Sacramento Kings Summer League roster alagad dae naghaloy an dae man pinalad an bagitong forward.
An Kings an NBA team kun saen saro sa mga nagsisirbing coach an PBA legend na si Jimmy Alapag.
Sigun ki Coach Cone, kun magkakaigwa nin interes an manlaen-laen na team para sa Filipino forward, posibleng orog pa ining mahaloy sa liga.
Enot na nagpuon an Summer League kan July 10 asin mahaloy ini hasta sa July 21.
Sa presente, igwa nin kontrata si Quiambao sa Goyang Sono Skygunners sa Korean Basketball League.
Nagpupuon na mang magpreparar an Gilas para sa nagdadangadag na FIBA Asia Cup sa Saudi Arabia sa Agosto.
Si Quiambao an saro sa mga miyembro kan national team.
