NAGA CITY- Nagtugot si Knicks guard Jalen Brunson na akuon an $156.5 million contract para sa saiyang apat na taon na extension sa New York.
An kantidad kan saiyang kontrata mas mababa nin poco mas o menos $113 million kaysa sa dapat sana kaining makua sa sunod na season, komo saro sa mga matitibay na guard sa NBA.
Maski an kontrata ni Brunson mas hababa kaysa sa dapat kaining makua na kita, matao man ini nin mas dakulang espasyo o financial stability sa Knicks tanganing makakua nin iba pang matitibay na NBA players asin magbilog nin sarong championship-caliber na team.
Huli sa ginibo ni Brunson, nagbulos ngunyan an pag-omaw sa saiya gikan sa bilog na kinaban kan NBA.
Komento kan dakul nin mga NBA analyst, pipira sana sa NBA an nag-aako nin pay cut, orog na an kasindakula nin $100 million na bawas sa sahod.
Kan nakaagi na season pinangenotan ni Brunson an Knicks asin nakalaog sa Playofsf sa ibong kan dai pagkawat kan saindang star player na si Julius Randle.
Nagibo kan Knicks na daugon an Philadelphia 76ers sa enot na elimination round, alagad dagos man sindang dinaog kan Indiana Pacers sa ikaduwang elimination round.
