Nag-abot na sa Maynila an four-time NBA All-Star asin Minnesota Timberwolves star na si Anthony Edwards para sa serye kan engagements ngunyan na weekend.
Inihiras kan sarong brand kaining Huwebes an mga litrato ni Edwards kaiba an pirang Filipino content creators na kahawig kan mga NBA players.
Tampok sa saiyang pagbisita an “Believe That Tour” Fan Fest na gigibuhon sa Agosto 15 sa Bonifacio Global City o BGC. Libre asin bukas sa publiko an event sa 5th Avenue asin C1 Park.
Parte man kan mga aktibidad an “Believe That. Challenge,” sarong nationwide 1-on-1 basketball tournament.
May pagkakataon an mangagana na maiuli an P100,000 asin makaresibe mismo ki Edwards an championship crown.
Si Edwards, 24, an naging first overall pick kan 2020 NBA Draft. Duwang beses man siyang napabali sa All-NBA Second Team, naging 2026 NBA All-Star Game MVP, asin nangana nin Olympic gold medal kaiba an Team USA sa 2024 Paris Olympics.
