NAGA CITY-Presenteng pinagpeprepararan na kan El Niño task force an La Niña, ngunyang opisyal nang pigdeklarar an pagtatapos kan El Niño phenomenon.
Sigun ki Presidential Communications Office(PCO) Assistant Secretary Joey Villarama, magigin Task Force La Niña na sinda sa mga masunod nin bulan.
Obheto soboot nindang mabawasan an maaapektarang paraoma asin parasisira sa panahon nin tag-uran.
Dugang pa kaini mas pinangangambahan kan Department of Agriculture (DA) an La Niña huli ta masasakitan soboot maka-recover an mga agricultural lands pag an mga ini binaha.
Opisyal nang pigdeklarar kan PAG-ASA an pagtatapos kan El Niño Phenomenon kasuugma alagad nagpatanid man an ahensya na posibleng magpuon an La Niña sa Agosto asin mapadagos hasta sa huring tolong bulan kan taon.
