NAGA CITY-Kumpiskado an labi ₱400,000 na kantidad nin ilegal na droga sa pigsagibong buy-bust sa Lucena City, Quezon.
Binisto an suspek na si Alyas Nhor, 41 anyos, residente kan Brgy. Lita, kan nasambitang siyudad.
Sa nagunong impormasyon kan Bombo Radyo Naga sa Quezon Police Provincial Office, napag-araman na pig-arestar an suspek makalihis na makabakal igdi an nagpamalo-malong parabakal kan mga awtoridad nin sarong pidaso nin heat-sealed transparent plastic sachet nin pinagtutubudang shabu.
Kan pigkapkapan an suspek, nakua igdi an buy-bust money asin apat pang sachet nin pinagtutubudan na ilegal na droga.
Sa kabilugan, may totalmente soboot na gabat an nakumpiskar na pinagtutubudang shabu nin 22 grams asin nagkakantidad nin ₱448,800.
Sa ngunyan, pigdara na an suspek sa Lucena City Police Station para sa magkakanigong disposisyon.
