Nagpakol na sa 150 Pilipino an na-displace sa nagpapadagos na wildfires sa Los Angeles, California USA na naggadan na sa buhay kan 24 na katawo.
Sa sarong entrevista, pigreport ni LA Consul General Adelio Angelito Cruz na kabali an nasambitan ng mga Pilipino sa kinaipohang isairarom sa mandatory evacuation.
Presente man sobootng na nakikipagkoordinar an Konsulada sa mga Filipino-American community duman.
Pig-ako man kan Consul General na igwa nin pirang mga Pinoy sa LA an undocumented asin pipiran sana an igwa nin insurance.
Alagad pigsierto kan PH official na prayoridad kan California authorities na maisalbar an isay man nangangaipohan nin tabang maski na sinda an bakong dokumentado.
Sa parte man kan gobyerno kan Pilipinas, sinaysay ni Consul General Cruz na natawan ini nin otoridad gikan sa Department of Foreign Affairs (DFA) na magtao nin pinansiyal na tabang na $200 o katampad kan P11,731.20 komo emergency assistance para sa lambang apektadong Pinoy kan nasambitan ng kasulo, pambakal kan saindang pangenot na pangangaipohan siring kan medical supplies apwera pa ini sa pagtatao kalaunan nin bagong trabaho asin bagong lugar na madadagusan.
