NAGA CITY-Nag-abot sa 4,636 na preso an nagadan sa laog kan mga kulungan sa nakaaging limang taon, sigun sa Bureau of Corrections (BuCor).
Basado sa datos kan ahensya puon Enero 1, 2020 hasta Hunyo 30, 2024, an numero kan mga nagadan na PDLs (Persons Deprived of Liberty) nag-abot sa mga minasunod nin numero: 1,182 kan 2020, 1,166 kan 2021, 925 kan 2022, 876 kan 2023, asin 487 hasta sa Hunyo 30 ngunyang taon.
Pigsambit ni BuCor Director General Gregorio Pio P. Catapang Jr. na kadaklan sa mga rason kan pagliban kan mga preso nagtetenir na unknown.
Mientrastanto ikinaugma man kan BuCor chief an pagtinta kan Declaration of Cooperation to Strengthen Procedures to Investigate Custodial Deaths of Persons Deprived of Liberty.
Sa irarom kan deklarasyong ini, kaipuhan magsairarom an lawas kan sarong nagadan na preso sa forensic autopsy antes ini darahon sa funeral parlor para sa pag-embalsamo.
Sigun ki Catapang, makakatabang an lakdang na ini tanganing masuri an kondisyon kan mga preso.
