Pormal nang piglunsar kasuodma, Setyembre 20 an Student Concessionary Card na sarong programa na pinangenotan mismo ni Presidente Ferdinand Marcos Jr.
Pigkakarkulong maabot sa 400,000 na estudyante sa bilog na nasyon an piglalaomang makikinabang gikan a bagong inisyatibong ini.
Obheto kan lakdang na ini na magtao nin tulos na tabang pinansiyal sa mga estudyante sa paagi kan pagpapababa kan saindang gastos sa transportasyon.
Sa paagi kan bagong Student Concessionary Card, an mga estudyante an otomatikong makakaresebir nin 50% na diskwento sa lambing biyahe na saindang gigibuhon.
Sa paagi kan implementasyon kan programang ini, dae na kinakaipuhan pang magpila an mga estudyante tangani sanang makua an saindang diskwento sa lambang biyahe.
Ini an nagtatao sa sainda nin tyansang makatipid bako sana nin kwarta kundi pati na man an saindang oras.
Apwera pa digde, an programang ini an obhetong enkaminaron an mas kadakol na estudyante na maggamit nin pampublikong transportasyon na makakatabang sa pagpapamarhay kan bulos kan trapiko.
