Labi 5,000 Australyano an nabiktima kan sarong love scam center sa Pilipinas, na nagkawsa kan pagkalugi kan haros AUD $24 milyon, sigun sa Australian Federal Police.
Sigun sa mga opisyal, target kan scammers an mga lalaking edad 35 hasta 80 sa paagi kan online dating apps.
Ginagamit ninda an scripted na istorya tanganing magpamalo malo komo mabuot na Pilipina sa Australia o sarong babayeng nakulgan sa nakalihis na relasyon. Sa laog nin sarong semana, padiit-diit ng pigpapabisto an cryptocurrency trading asin pig-eenkaminar an biktima na mag-invest puon $300 hasta $800.
Makalihis makakua an tiwala, pigpipirit ninda ini na maglaog nin mas dakula na kantidad.
Napag-araman na ini operasyon kan Agosto 2023, kaya nakipagtabqngan an Australia sa Presidential Anti-Organized Crime Commission (PAOCC) asin National Bureau of Investigation (NBI) tanganing maaraman an iba pang biktima.
Sigun sa PAOCC, maski nabawasan an mga operasyon kan POGO, may mga natatada pang scam centers na padagos sa panloloko.
