Igwa nin 18,280 elective positions an paglalabanan kan mga makandidato sa bilog na nasyon sa 2025 National asin Local Elections, basado sa datos kan Commission on Elections (COMELEC).
Kinababalehan ini kan 12 Senators, 63 Party-List Representatives, 254 Member ng House of Representatives, 82 Governor, 82 Vice-Governor, 800 na Member ng Sangguniang Panlalawigan, 149 City Mayor, 149 Vice Mayor, 1,690 Member ng Sangguniang Panglungsod, 1,493 Municipal Mayor, 1493 Municipal Vice-Mayor, 11,948 Member ng Sangguniang Bayan, 25 BARMM Members of the Parliament, asin 40 BARMM Party List Representatives.
Marurumduman kan nakalihis na Setyembre 17, nakapagrehistro nin 6,250,050 bagong registered voters an Comelec , kung saen an Calabarzon an igwa nin pinakahalangkaw na nairehistro sa bilang na 1,041,179; nagpanduwa an National Capital Region na 824,239; Central Luzon – 705,530; Davao Region – 356,854; Central Visayas – 331,033; asin sa main office kan Comelec sa Maynila igwa man nin 9,201.
Liwat man na nagpagirumdom an Comelec Chairman na si George Erwin Garcia na mayo na suboot pagpapalawig pa sa pagtatapos kan registration period sa Set. 30, 2024 para sa 2025 midterm elections.
