LABI 30 katawo an irido makalihis magwala an nagkapirang nakaamaskarang raliyista sa Ayala Bridge, Maynila kasuodma, aldaw nin Domingo.
Apwera digde, nagporbar pang maabot kan mga raliyista an Mendiola harani sa Malacañang kan magpuon an kariribokan.
Nagpuon an tensiuon kan silyaban kan nagkapirang kajovenang lalaki an mga rida sa hampangan kan shipping container na nagsirbing ulang kan pulisya.
Nag-apon man an mga ini nin bote, gapo, asin pintura, rason tanganing maggamit nin riot shield an mga pulis.
Bandang alas-4 nin hapon, nabuwag an ulang asin nakabalyo an mga raliyista sa Legarda Street pasiring Mendiola Bride.
Naraot man an salming kan sarong payloader harani sa sarong unibersidad, asin sarong motorsiklo an sinulo kan mga raliyista.
Nakapagrehistro man nin sarong makusog na pagsabog na dae pa maaraman an pinagpuonan.
Nagkapirang pulis man an nabalot kan mababatang substance chemical na dae pa man maaraman hasta sa ngunyan.
Sigun sa report, napag-araman na an mga nanggulo iyo an nagkapirang menor de edad asin nagkukurahaw pa na mawot nindang suluon an Malacañang.
Katakod kaini duwang lalaki man an naarestar, mantang labi sa sampulong nakaitom na raliyista an pinadapa asin binantayan kan mga pulis. Tulos man na natumtom kan mga bombero an kalayo.
