Pinagkakarkulong nasa 68.43 milyong Pilipino an maboto ngunyan na Lunes tangani pumili nin bagong liderato sa national asin man local election, susog sa Commission on Elections (Comelec).
Susog man sa tala nagpakol sa 4.3 milyong Pinoy an enot na beses na maboto sa national elections ngunyan na taon.
Pinagirumduman kan Comelec an mga botante na bilugon na an listahan kan mga kandidatong saindang iboboto.
Para sa national posistion, pwedeng pumili nin hasta sa 12 senador asin sarong party-list mantang sa local posistion, kabali sa mga pagpipiliang iboboto iyo an kongreso, gobernador, bise-gobernador, mga miyembro kan provincial board, mayor, vice-mayor, asin man mga konsehal (depende sa syudad o banwaan).
Antes an halalan, dapat na maako kan mga botante an Voter’s Information Sheet (VIS) na nakapalaog an importanteng detalye siring kan presinto, voting center, asin man sample ballot. Pwede man na gamiton an Comelec Precinct Finder online tangani hanapon an eksaktong lugar kan botohan.
Oras kan botohan
Regular na botante: 7:00 a.m. hasta 7:00 p.m.
Senior citizens, PWDs, bados, asin man saindang assistant: pwedeng bumoto magpuon pasado alas 5:00 nin pagkaaga.
Walong lakdang sa pagboto
- Magpabisto sa electoral board.
- I-check an pangaran sa listahan asin man an kamot kun may tinta.
- Nagtinta sa EDCVL.
- Akuon an balota asin marker.
- Bumoto sa paagi kan pag-shade nin bilog sa tahaw pangaran kan kandidato.
- Ilaog an balota sa vote-counting machine asin halaton an resibo.
- Surion an resibo asin ihulog ini sa ballot box na karaniwang kolor yellow.
- Papatakan nin indelible ink an muro antes na maghali.
