Ma-deploy an Bureau of Immigration nin kabilugan na bagong immigration officers komo preparasyon sa piglalaoman na pagdagsa kan travelers sa Undas.
Segun ki Immigration Commissioner Joel Anthony Viado, fresh graduates an mga ini gikan sa saindang akademiya kan Oktubre 29 nin presenteng taon.
An dugang na pwersa iyo an sa tahaw kan piglalaoman na mas halangkaw pa na bilang kan mga international traveler ngunyan na taon kumparar kan nakalihis na taong 2023 kun saen posibleng magpakol sa pag ultanan kan 43,000 hasta 48,000 kada aldaw na mabiyahe paluwas nin nasyon magpuon kan nakalihis na aldaw nin Oktubre 31 hasta nasa 41,000 hasta 47,000 an piglalaoman man na biyahero gikan sa iba pa man na nasyon an maabot sa Pilipinas kada aldaw.
Apwera digde, pigsaysay kan BI chief na naka antabay an saindang mga Immigration team sa sitwasyon sa Ninoy Aquino International Airport (NAIA) na masirbeng pangenot na international gateway para sa mga biyaherong mapasiring sa nasyon.
Madeploy man an BI nin personnel gikan sa main office kaini para mag alalay sa airport operations.
Pig activate man kan ahensiya an rapid response units tanganng masimbagan an anuman na biglaang pagbulos kan mga pasahero partikular na sa peak hours.
