NAGA CITY– Paramientras munang isinara ngunian na aldaw an Labo Grand Terminal sa banwaan kan Labo, Camarines Norte makalihis malubog sa baha huli sa biglaang paglangkaw kan tubig kawsa kan mayong untok na pag-uuran.
Sa entrevista kan Bombo Radyo Naga ki Joey Totanes kan Provincial Disaster Risk Reduction and Management Office (PDRRMO)-CamNorte, sinaysay kaini na dawa padagos an pagruso kan mga pasahero na mabisita sa mga sementeryo, paramientras munang isinara an nasambitan ng terminal para malikayan an anumang aksidente.
Marikas soboot na naglangkaw an lebel kan tubig sa manlaen laen na parte kan probinsya urog na sa kalabaan kan tinampo sa Labo pasiring Vinzons huli sa makusog na bulos kan uran na nagpuon pa kasuudma.
Apwera digdi, nagkapira mang residente kan Mercedes an soboot inibakwar makalihis mairehistro an erosyon sa lugar.
Mientrastanto, sa probinsya man nin Camarines Sur, nairehistro man an paglangkaw kan tubig sa mga salog asin spillway sa mga banwaan kan San Jose, Lagonoy, Tigaon asin Sangay.
