Aram baya nindo mga ka-bombo, sarong lalaki na gikan sa Germany an dae makahanap nin trabaho sa laog nin haros apat na taon makalihis na mahabon an saiyang ID mantang nagpapasyar sa London.
Susog sa istorya kan lalaki, napag-araman na sana kaini na igwa nang criminal record an saiyang pangaran. Binisto an lalaki na si Rami Battikh.
Susog sa report, nagpuon an garo bangungot na karanasan ni Rami limang taon na an nakakalihis puon kan taong 2019.
Sigun ki Rami, nagpasiring soboot ini sa UK bitbit an saiyang passport asin ID card alagad saiyang nanutaran na nawawara na an saiyang ID.
Katakod digde, naglaom na sana an lalaki na posibleng nawara o nahabon an saiyang ID na sa huri an saiyang pigpasipara asin ginamit an saiyang passport pabwelta sa Germany kun saen duman giraray ini nag-apply nin panibagong ID card.
Makalihis an insidente nagpadagos an lalaki sa saiyang buhay, nakapagtapos nin pag-aadal asin makalihis na matapos an saiyang vocational apprenticeship sa Vodafone finance sa Bonn, pigtangro ini nin trabaho sa sarong corporation siringman sa local tax office.
Igwa soboot magayon na opurtunidad an naghahalat ki Rami alagad ini an biglang naglaho kan mapag-araman sa pigkundusir routine check na igwa ining criminal record sa UK.
An kakaibang kaso na ini ni Rami an na-traced pabalik sa taong 2021, kun saen igwa soboot iligal na naggamit kan saiyang ID na nakakulong naman sa Wood Green Crown Court sa London nin haros 18 bulan huli sa mga manlaen-laen na offenses, siring kan pagmaneho na mayong lisensiya o insurance, fraud by false representation, asin possession of a false or improperly obtained identity document.
Apwera digde, nadugangan pa an criminal record sa pangaran nin Rami makalihis an 14 bulan siring kan pagdadara nin patarom sa pampublikong lugar.
Sa ngunyan, dae pa man giraray nasosolusyunan an problema ni Rami kun kaya padagos ma
