Gadan an sarong lalaki makalihis mabangga kan sarong lunadan sa kalabaan kan Maharlika Highway sa Nabua, Camarines Sur.
Binisto an biktima na si si Luis Apondar, 50-anyos.
Sa impormasyon na naguno kan Bombo Radyo Naga sa Camarines Sur Police Provincial Office, napag-araman na pigbabagtas kan Toyota Hi-ace Commuter na minamanihar ni Ariel Lerit an nasambit na highway kan aksidenteng mabangga kaini an biktima.
Huli igdi natumba si Apondar sa semento asin nagsapo nin lugad sa manlain lain na parte kan lawas kaini.
Na-idalagan pa kutana an biktima sa ospital alagad ipigdeklarar na ining dead on arrival kan mga doktor.
Sa ngunyan nagpapadagos pa an imbestigasyon kan mga otoridad sa nasambit na insedente.
