NAGA CITY– Gadan an sarong lalaki makalihis maghugot sa laog kan sarong payag sa Zone-1, Brgy. San Sebastian, Lagonoy, Camarines Sur.
Binisto an biktima na si John Paul Raselis, 20 anyos.
Sa nagunong impormasyon kan Bombo Radyo Naga napag araman na nadukayan na sanang nakabitay si Raselis asin mayo nang buhay gamit an pisi kan duyan sa laog kan payag sa nasambitan ng lugar .
Sa inisyal na imbestigasyon kan mga otoridad napag aramang nagmamati nin depresyon an nasambitan biktima makalihis ining iwalat kan saiyang live-in partner na si Angelica Villorente, 18 anyos kan nakaaging Setyembre 2017.
Sa ngunian, nagpapadagos pa man an imbestigasyon kan mga otoridad manungod sa nasambitan ng pangyayari.
