NAGA CITY– Gadan an sarong lalaki makalihispagbabadilon kan riding in tandem suspects sa banwaan kan Lopez, Quezon.
Binisto an biktima na si Edgar Tabien, 53-anyos.
Sa nagunong impormasyon kan Bombo Radyo Naga, napag araman na mantang binabgtas ni Tabien an kalabaan kan tinampo sa nasambitan ng lugar kan biglang bagaton nin duwang armadong lalaki asin pinauranan nin bala.
Nagsapo nin lugad sa manlaenlaeng parte kan saiyang lawas an biktima na tulos man na idinalagan sa ospital alagad idineklara nang dead on arrival kan mga doktor.
Sa ngunian, nagpapadagos pa an imbestigasyon kan mga otoridad manungod sa nasambitan ng pangyayari.
