Aram baya nindo mga ka-Bombo, sarong lalaki gikan sa California an nagbabakasyon sa Maryland tanganing bisitahon an saiyang aki babae asin napuli sa kapangganahan na $50,000 na premyo sa lotto mantang ini an nagbabakasyon.
Sigun sa mga opisyal kan Maryland Lottery, madalas soboot ining nagtataya sa lotto sa California, kaya naisipan kaining probaran man an lotto sa Maryland mantang nagbibisita sa saiyang aki asin pamilya kaini.
Nagkabakal an lalaki nin $5 Festive Fortune scratch-off ticket gikan sa Check Cash Depot sa Ritchie Highway sa Glen Burnie asin nakua kaini an pinakadakulang premyong $50,000.
Dugang pa kan Maryland Lottery na sa pinakahuring kapangganahan kaini, apat pa sa orohinal na walong $50,000 na premyo an dae pa nakukua sa kawat na Festive Fortune, kaibahan an sara-sampulong ribong iba pang premyo na nagkakantidad puon $5 hasta $1,000.
