Aram baya nindo mga ka-Bombo sarong lalaki gikan sa Ohio an nagtitinir na tapat sa sarong set kan mga numero sa lottery sa laog nin 22 taon an sa wakas ginantimpalaan nin jackpot na nagkakantidad nin $3.5 milyon.
Sinaysay kan lalaki na gikan sa Akron sa mga opisyal kan Ohio Lottery na padagos kaining ginamit an parehas na anom na numero na — 6-8-16-20-26-45 — sa pagtaya sa Classic Lotto drawings sa laog nin 22 na taon, maski na paminsan-minsa, sararadit na premyo sana an saiyang napangganahan, huli ta matagas soboot kaini an payo.
An saiyang tiket para sa draw kan nakalihis na Pebrero 4, binakal sa The Mapco store sa Brown Street sa Akron, an nagtao sa saiya nin $3.5 milyong jackpot.
Sigun sa nanggana, tulos kaining nabisto an saiyang mga numero sa draw result, asin igwang na ining dakulang plano kaibahan an pagbakal nin bagong harong asin pagpapagibo nin home gym.
