NAGA CITY- Patay ang isang lalaki matapos ang banggaan ng motorsiklo at truck sa Sitio Putot, Brgy. Camflora, San Andres Quezon.
Sa nakalap na impormasyon ng Bombo Radyo Naga sa Quezon Police Provincial Office (QPPO), sinasabing habang binabaybay ng nagngangalang Ryan Diego 38-anyos ang kahabaan ng nasabing lugar ng bigla itong banggain ng kasalubong nitong truck na minamaneho ni Marlon Cueta 37-anyos.
Dahil dito, tumilapon si Diego sa minameho nitong motorsiklo na nagtamo ng malalang tama sa iba’t ibang parte ng kanyang katawan.
Kaugnay nito, agad naman itong dinala sa ospital subalit idineklara nang dead on arrival ng mga doktor.
Una rito, nabatid na nasira ang isang parte ng truck dahilan para mawalan ito ng kontrol.
Sa ngayon, nasa kustodiya na ng mga otoridad ang suspek na si Cueta para sa karampatang disposisyon.
