NAGA CITY- Gadan an sarong lalaki makalihis pagbabadilo kan dae pa nabibistong suspek sa Candelaria, Quezon.
Binisto an biktima na si Edgardo Pila Magtibay, 55-anyos, residente kan Brgy. Malabanban Norte sa nasambitan ng banwaan.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang nakatindog an biktima sa parte kan Gonzales Street, Brgy. Poblacion kasuudma, Mayo 15, 2024 bandang ala-7 nin pagkaaga kan bigla na sanang mag-abot an mga dae pa nabibistong mga suspek.
Digdi man, basang na sanang pinagbabadil si Magtibay. Huli digdi, nagsapo nin bala kan badil sa saiyang payo an biktima na nagresulta kan saiyang pagkagadan.
Mientrastanto, tulos man na nagdulag an mga suspek makalihis isagibo an krimen.
Sa ngunyan, nagpapadagos pa an pigsasagibong imbestigasyon kan mga otoridad, siringman an pagsusog sa posibleng kinamomogtakan kan mga suspek.
