NAGA CITY – Arestado an sarong lalaki sa kasong panlulugos asin pagbalgar sa RA 7610 sa Sto. Tomas Batangas.
Binisto an suspek si alyas Norberto, 44-anyos, presenteng nakaistar sa Brgy San Vicente, Sto Tomas City, Batangas.
Sa entrevista kan Bombo Radyo Naga ki PMaj. Arvic Florence, Chief of Police, kan Tigaon MPS, sinaysay kaini na naglipat soboot na suspek sa Sto. Tomas, Batangas tanganing dulagan an saiyang kasong kinakahampang sa banwaan kan Tigaon puon pa kan taon 2016.
Huli digdi, nakipagkoordinar an saindang lado sa Sto. Tomas PNP asin digdi na naarestar an suspek huli sa kasong rape, asin RA 7610.
Sigun ki FLorece, mayo nin pyansa an kasong rape alagad an pagbalgar kaini sa RA 7610 an igwa nin rekomendadong piyansa na nagkakantidad nin P120,000.
Mientrastanto, nagtitinir na mayong nairehistrong election related incident asin mayo man nin nanunutaran nin intense political rivalry asin mayo paman nin nagbayolar sa COMELEC gun ban sa nasambitan ng banwaan.
Padagos man an saindang pigkukundusir na COMELEC Checkpoint na dae nagbaba sa duwang beses.
Sa ngayon, liwat nangapodan an opisyal sa kan padagos na pakikipagkoordenar kan komunidad sa PNP tanganing tulos na maaksyonan an anuman na krimen na saindang nanunutaran.
