Aram baya nindo mga ka-Bombo, sarong lalaki an nagpasiring kasuarin sana sa sarong Hospital na binistong si Vasal Kunj tanganing magreklamo sa problema sa tulak na haros tulong aldaw na kaining namamatean.
Nagreklamo an lalaki kan labing pagkulog nin tulak, asin sakit sa pagtunaw nin pagkakan na nagresulta na sa bloating.
Basado sa report, nakaubos soboot nin street food an lalaki sa sarong night market pirang aldaw antes an problema sa saiyang salud.
Nagdesisyon an mga doktor na magsagibo kan sarong Upper Gastrointestinal (GI) Endoscopy, sarong paagi na nagsusuri sa itaas na parte kan gastrointestinal tract, tangani sana maaraman an kawsa kan mga sintomas kan lalaki.
Katakod digde, nakilhag an mga doktor kan mahiling an buhay na ipis na yaon sa bituka kan lalaki.
An 3cm na ipis na ini an tolos na pighali kan mga doktor sa paagi kan endoscope na igwang duwang channels, saro an para sa air and water infusion asin an saro para sa air suction.
Sigun sa mga doktor, kun enkaso dae naagapan an sitwasyon kan lalaki posibleng magkawsa nin malalang komplikasyon an pagkakaigwa kan nasambitan ng ipis sa bituka kaini.
