Lalaking nagse-cellphone, diitan nang mabagsakan kan crane sa China

Aram baya nindo mga ka-Bombo, huli sa pagiging abala sa paggamit nin cellphone, diitan nang mapahamak an sarong lalaki kan magbagsak an crane sa sarong construction site sa Jiangsu, China.

Nagdaralagan an mga tawo sa palibot, alagad abala pa man sa pagse-cellphone an lalaki.

Basado sa mga lokal na report, ginigibo kaidto an ika-23 palapag nin edificio kan makadangog nin dagundong an mga obrero.

Kan magdaralagan an mga obrero, nawalat an lalaki na nagse-cellphone hasta sa magbagsak na an boom kan crane.

Sa kamarhayang palad, nakapagtago an lalaki sa mga tipak nin semento na iyong napuruhan sa pagbagsak kan crane.

Nakasalbar an lalaki asin an iba pa kaining kaibahan sa construction site.

Padagos an imbestigasyon sa kawsa kan pagbagsak kan boom.