Pig-anunsyar kan Social Security System (SSS) an contribution hike para sa mga miyembro kaini na mapuon na ngunyan na bulan kan Enero 2025.
Segun ki SSS Acting Head Carlo Villacorta, An rate kan kontribusyon malangkaw nin 15% gikan sa dating 14% komo parte kan mga lakbang kan ahensya na pakusugon an pondo kan pensiyon na pigpadalagan kan gobyerno.
An pagbabago ay makakaapektar bako sana sa mga employer asin empleyado, kundi pati naman sa mga kasambahay, mga self-employed, mga boluntaryong miyembro asin mga land-based na Overseas Filipino Workers (OFWs).
Sa irarom kan bagong sistema, magkakaigwa nin pagbabago sa Monthly Salary Credits (MSC) kan mga obrero asin employer sa pribadong sektor, na nagsasabi kun gurano an saindang kontribusyon sa SSS.
Halimbawa digde an mga employer asin empleyado, self-employed, mga boluntaryo, asin man an spouse members na dae nagtatrabaho kun saen an MSC malangkaw sa P5,000 na may maximum na P20,000.
Mantang an mga kasambahay ay may MSC na P1,000 na may maximum na P20,000. Sa land base OFW member man ay mayMSC na P8,000 na may maximum man na P20,000.
Paliwanag ni Villacorta an paglangkaw kan singil sa contribution ay tangani na masimbagan an posibleng pagbaba kan pondo kan ahensya asin para mapalangkaw an financial fund kaini na pwedeng maghaloy pa soboot hasta sa taong 2053 huli sa presente nagtatao an SSS nin mga benepisyo sa labi sa 13 milyong mga obrero sa nasyon.
Nilinaw kan SSS na an kadakle na empleyado na kumikita nin dae malabi sa P25,000 kada bulan, dae maaapektaran an saindang take-home pay, huli sa an mga employer an masimbag kan paglangkaw kan kontribusyon.
Siringpa an mga negosyo ay makakaeksperyensya nin dugang na gastos sa operasyon, na magigin hamon para sa mga saradit na negosyo.
