NAGA CITY- Pigtawan duon kan alkalde kan siyudad nin Naga na yaon an saindang bilog na pagsuporta sa manlaen-laen na sports sa Naga City.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na pinagpepreparan na ninda sa presente an isasagibong Palarong Bikol nin huli ta importante ini para sa ikukundusir na selection para sa Palarong Pambansa.
Sigun ki Robredo, dakula an asistensiya na pigtagama kan LGU para sa nasambitan ng event na pigkua sa special education fund.
Katakod digde, plano kan LGU-Naga na sa maabot na bulan kan Marso asin Abril, papakarhayon an sports program kan siyudad.
Igwa soboot personalidad an nagsaysay siring na sana ni Hidilyn Diaz na preparado sindang magtabang para sa isasagibong mahewasang sports summit sa Naga City.
Gabos na Palaro games an isasagibo digde tanganing maenkaminar an mga jovenes na tawan atensyon an lado kan karawat.
Siringman sa maabot na school break, igwang ikukundusir na mahewasang sports program sa barangay na dae sana nakapokus sa baskteball kundi sa manlaen-laen na sports.
Sa ngunyan, pigsierto na sana ni Robredo na yaon an saindang lado na preparadong magtaong asistensiya sa gabos na pangangaipuhan kan mga atletang Nagueño.
