Aram baya nindo mga ka-Bombo, sarong lola an nagsampa sa platform kan baggage handling area na pighuna kaini na mapasiring sa boarding gate sa Vladikavkaz Airport, Russia.
Madadalan sa sarong video na kampanteng nakikipag-ulay an duwang staff kan airport sa sarong pasahero kaya dae ninda napansin an ginigibo kan lola sa gilid.
Nagsakat an lola sa platform para sa bagahe asin nagderisto sa conveyor belt. Aban-aban pa, natumba asin napahigda an lola.
Naaraman na sana kan mga staff an ginibo kan lola kan alertuhon sinda kan pasahero.
Base sa mga report, nagpasiring an lola sa baggage handling area. Pigtabangan man an lola kan empleyadong nakapuwesto duman asin dinara ini sa boarding gate.
Alagad maski natumba sa conveyor belt, nasa marhay man na kondisyon an senior.
