Pig-anunsyar kan Land Transportation Franchising and Regulatory Board (LTFRB) na magtatao ini nin special application permits para sa gabos nin public utility vehicles (PUVs) sa Metro Manila asin sa iba pang probinsiya sa nasyon.
Piggibo kan LTFRB an pahayag katakod man kan saindang mandato na mantinirong preparado asin salbado an gabos na public transportation para sa mga Pilipinong mananakay.
Sigun sa pamayuhan kan LTFRB na si Chairperson Atty. Teofilo Guadiz III, mapuon na ining magtao nin aplikasyon para sa Transport Network Vehicle Services permits sa Disyembre 15.
Kun saen makakaresibir an nasa 15,000 na PUV kan nasambitan ng permist na iyong itatao sa Disyembre 20 hasta Enero 4 sa presenteng taon.
Katakod kaini, naenot na man nagtao nin special permits an LTFRB para sa mga public utility buses na nagpuon kan nakalihis na Nobyembre 18 asin nagtapos kan nakalihis na Nobyembre 29 na iyong magagamit sa Disyembre 23 hasta sa masunod na taon kan Enero 3.
Nakamonitor man an ahensiya para sa mga operator kan PUV tanganing mapagprepararan an pagdakol kan mga pasahero sa holiday season.
