Pinag-aadalan na nin marahay kan Land Transportation Franchising and Regulatory Board (LTFRB) an petisyon kan nagkapirang mga transport group na naghihirit nin langkaw pamasahe.
Segun ki LTFRB chairman Atty. Teofilo Guadiz III na igwang apat na petisyon an pigsunad sa saindang opisina.
Tulo sa mga digde an gikan sa mga jeepney operators mantang saro man an gikan sa mga bus operators.
Nakabugtak sa petisyon na naghihirit an mga ini na gibuhong P14.00 an minimum na pamasahe sa mga jeep mantang P18.00 man an minimum na pamasahe sa mga bus.
Pig amin ni Guadiz na mahaloy na an nasambitan ng petisyon kaya man saindang marahay na pig aadalan antes na dagusan ng maaprubaran.
Kahagadan kaini an pag-aadaal gikan sa National Economic and Development Authority (NEDA) tangani maaraman kun pano makakaapektar an bagong langkaw pasahe sa inflation.
