NAGA CITY- Nagpapadagos an manlaen-laen na serbisyo na pigtatangro kan LTO-Naga sa publiko.
Sa entrevista kan Bombo Radyo Naga ki Grace Rojas, Chief kan LTO-Naga,sinaysay kaini na nagpapadagos an saindang pigkukundusir na Theoritical Driving course orog na soboot sa mga nagpapaschedule sa saindang opisina.
Sigun pa ki Rojas, available naman an plaka na binayadan nin nasa 450 kan nakalihis na 2015 kun saen makukua ini sa opisina kan LTO kun saen nagbayad an costumer. Kaipuhan kaya ma ma-verify kun saen na opisina nagbayad an sarong indibidwal tanganing ma-release an sainda man na plaka.
Katakod kaini, maogma man na pigheras kan opisyal na nagpapakol sa 10 hasta 20 na plaka an saindang napapaluwas kada aldaw nin huli ta enkaso igwang costumer na nagpapasiring sa sainda, pigsasabay naman an pag-verify kun sa saindang opisina an mga ini nagbayad kan P450.
Apwera digde, available naman an DL cards kun saen bukas soboot an LTO-Naga magin sa aldaw nin Sabado puon alas 8 nin aga hasta aals 12 nin pagka-udto.
Sa ngunyan, pig-enkaminar na sana ni Rojas an gabos na kun igwang kahaputan tolos na magpasiring sa saindang opisina tanganing masimbagan.
