NAGA CITY- Maabot sa P8 milyon an kantidad nin iligal na droga na nakumpiskar kan mga kapulisan sa pigkondusir na anti-illegal drug operations sa banwaan nin Milaor, Camarines Sur.
Sa entrevista kan Bombo Radyo Naga ki P/Insp. Arthur Matos, chief of police kan PNP Milaor, sinaysay kaini na haros pitong bulan ninda binantayan an magtugang na suspek na sinda Tristan asin Mackneil Abinez.
Maabot sa P5 milyon hasta sa P8 milyon an sarong kilo nin shabu na nakumpiskar kan mga kapulisan sa harong kan mga suspek makalihis an pigserbeng search warrant laban sa mga ini.
Sigon ki Matos, enot ng nagsuko sa opisina ni Milaor Mayor Anthony Reyes an suspek na si Tristan katakod kan programang Oplan Tokhang kan PNP asin kan Duterte Administration.
Sa ngonyan, nagtitinir na sa kostudiya kan mga otoridad an nasambitang mga suspek mantang inaandam na an kasong isasanga laban sa mga ini.
