Aram baya nindo mga ka-bombo, maogma na iseselebrar kan sarong pamilya an Mothers day sa paagi kan sabay na pag-martsa kan Ina asin aki tanganing resebehon an saindang master’s degrees gikan sa Texas Christian University.
An nasambitan ng eskwelahan pig-anunsyar an saindang kaenot-enoting graduate-only ceremony asin digde ife-feature si Kyle Fields na aakuon an saiyang Master of Liberal Arts degree asin an saiyang Ina na si Brandi Fields na mareseber kan saiyang Executive Master of Business Administration degree.
Sigun ki Brandi, dae soboot kaini piglaoman na mabunga an saindang sabay na pagpupuyat asin pagsubmit kan mga documentos antes an deadline kun kaya labi an pasasalamat kan saindang pamilya sa biyaya na ini kan Kagurangnan.
Pigsaysay pa ni Brandi na an saiyang journey tanganing maka-graduate an inabot nin pirang taon alagad an gabos na saiyang pagal an sulit orog na ta para ini sa saiyang sadiri asin sa saiyang bilog na pamilya.
Sa ngunyan, pursigido an mag-ina na hampangon an mga masunod na aldaw kaibahan an saindang mga pigpapadangat na kapamilya na labi man an pigtataong suporta sa sainda.
