NAGA CITY – Nag-inspirar sa sarong government official na nagtatrabaho sa Department of Trade and Industry (DTI) an magayon na relasyon kan mga personahe asin kawaran kan bahid nin korapsiyon.
Sa entrevista kan Bombo Radyo Naga ki Jay Percival Ablan, Provincial Director – DTI Camarines Sur, sinaysay kaini na an pagtrabaho kaini sa gobyerno an pwede na kaining maikonsiderar na trayumpo huli man ta mayo soboot makakadaog sa oprtunidad na makapagserbi sa tawo, asin mayong makakadaog sa pagigin parte kan pag-uswag kan komunidad.
Dugang pa ni Ablan na kun nahihiling kaini na nagigin matrayumpo an mga entrepreneurs, pagmate kaini nagigin successful na man ini.
Siring man kun igwang pigpo-propose na proyekto na naaprisyar kan mga tawo, kan kaibahan sa trabaho asin nagtatao an mga ini nin magayon na feedback, duman pa sana soboot gana na.
Apwera pa digde, padagos nindang nadi-digitalized an saindangg frontline services huli man ta an mga tawo ngunyan an mawot na mas marekas kaya sa ngunyan pig-asegurar nindang ma-digitalized an saindang frontline services tanganing anuman na oras magin availble an saindang serbisyo.
Mientrastanto, sinaysay pa kaini na sa totoo soboot mayo man ining plano na maglaog sa anuman na klase an ahensiya kan gobyerno sa nasyon huli man ta paghuna kaini gabos na ahensiya an korap kun saen habo kaining maimbwelto sa anuman na klase kan korapsiyon.
Alagad makalihis ining makagradwar nin kolehiyo naisipan ni Ablan na kaipuhan kaining maeksperyensiya kun pano magpa-interview, sakto man na igwang bakanteng posisyon sa DTI kaya pinorbaran kaini.
Siring man makalihis, pinorbaran pa man kaini na magtrabaho sa pribadong kompanya, asin dae man nag-abot an sarong taon nagdesisyon ini na magbweltada sa DTI huli man ta narealisar kaini na sa pribadong kompanya an motibasyon iyo an profit, alagad sa gobyerno mas fulfilling an saiyang namamatean huli man ta yaon pirmi an pagserbi asin pagtabang sa tawo.
Sa ngunyan, pagiromdom na sana ni Ablan sa gabos na kun ano man an nakakapaogma sa lambang saro pirming bweltadahan kun ano an saindong interes asin passion huli man ta digde mapuon an magayon na futuro kan lambang indibidwal.
