Dae nagtrayumpo an Orlando Magic na pabagsakon an Houston Rockets sa ibong kan agresibong 4th quarter performance kaini.
Dae nahapag kan Magic an Rockets sa huring quarter, makalihis iposte an huring 16-point deficit sa pagtatapos kan 3rd quarter, sa skor na 88 – 72.
Pinirit kaya kan Magic na hapagon an 16 points na kalamangan antes matapos an laban alagad sulamenteng walong puntos an nagibo ninda hasta sa matapos an laban sa 116 – 108, pabor sa Houston.
Dae nagin bastante an 31 points ni Magic star Paolo Banchero, kaiba an 21 points asin 8 rebounds ni Franz Wagner sa pagkadaog kan Orlando.
Liwat man na naggibo nin all-around performance si Houston center Alperen Sengun asin naglaog nin 22 points asin 12 rebounds.
Nagkrear man nin 26 points an guard kan koponan na si Jalen Green, kaiba an pitong rebounds.
Nagtitinir ngunyan na No. 2 sa Western Conference an Houston asin kapot an impresibong 45 wins gikan sa 70 games na pigkawat ngunyan na season.
Orog pang nagbagsak sa 38 loss an Magic makalihis an laban, mantang nagtitinir sa 32 an naibulsa kaining kapangganahan sa presenteng season.
Sa duwang nasambitan ng team, igwa na sana nin 12 regular season na saindang susuungon antes dagusang an regular season.
