NAGA CITY-Mahigot na seguridad ipapautob para sa ikukundusir na Inauguration ni US President Elect Donald Trump.
Sa report ni Bombo International News Correspondent Vellie Dietrich Hall, gikan sa US, sinaysay kaini na huli sa freezing temperature asin pag-uran nin nasa 6-12 inches kan snow kun kaya piglaog soboot an venue kan Inagurasyon sa Rotonda sa Capital Arena.
Sigun pa ki Hall, nasa 600 na tawo sana an imbitado o an igwang ticket huli ta limitado sana man an espasyo sa laog kan venue.
Katakod kaini, an mga Senador, Congressman, ibang mga darakulang corporate officers, si Elon Musk asin manlaen-laen na dignitary an tutugutan sana sa laog kan venue kabali na an igwang mga ticket.
Dugang pa ni Hall, piglalaoman na mapuon an programa pasado 11:00 hasta 12 nin pagkaudto oras sa Amerika o maog-oomagahon oras man sa Pilipinas.
Katakod kaini, sa liwat na pagtukaw ni Trump komo Presidente kan US, piglalaoman na mapirma ini kan nasa 200 executive orders sa laog nin sarong oras.
Mientrastanto, pigsaysay pa ni Hall na igwang mga Pilipino an personal na maatender sa nasmabitan ng Inagurasyon asin matao kan saindang suporta ki Donald Trump.
Sa ngunyan, pig-enkaminar na sana kaini an gobierno kan Pilipinas na pangatawanan an saindang mga pigpromesa na mga Pilipino tanganing magkaigwa soboot nin marhay na pagbabago.
