Pigsierto kan Malakanyang na padagos na ipaglalaban kan gobyerno an soberenya kan Pilipinas sa West Philippine Sea na uyon sa paninindogan ni Presidente Ferdinand Marcos Jr. Ini an sa paagi kan diplomasya, capability, building international partnerships asin sa mapayapang paagi.
Sigun ki Palace Press Officer USec. Claire Castro naninindogan an Marcos administration na nagtitinir na legally binding asin nagsisirbing cornerstone kan international maritime law an arbitral ruling na iyo mang nagsirbing gabay sa national policy kabali na an Philippine Maritime Zones Act, asin nagpapakusog sa legal asin operational posture kan nasyon.
Presenteng pigseselebrar kan Nasyon an ika-9th anniversary kan Arbitral Award.
An nasambitan ng award an nagpapawarang bisa sa nine dash line claims kan China.
Padagos man na pig-eenkaminar kan Marcos administration an publiko na suportaran an gobyerno tanganing tawan-duon an 2016 South China Sea Arbitral Award komo pundasyon kan national sovereignty.
Duon ni Castro na padagos an commitment kan Pilipinas sa rule of law asin sa UN Convention on the Law of the Sea o UNCLOS.
Basado sa survey, sinasabing nasa 73% kan mga Pinoy an mawot na ipagpadagos kan gobierno an sovereign rights kan Pilipinas sa West Philippine Sea.
