Nanindugan an Malakanyang na pork barrel free an 2026 national budget. Sigun ki ES Ralph Recto na dae puwedeng makiaram an mga lehislador sa implementasyon kan pambansang pondo.
Siniguro ni Recto na mahigot man na saiyang susundon an probisyon na nagbabawal sa mga pulitiko na pumapel sa tarauhan nin ayuda o anupamang tabang-pinansyal.
Dugang pa ni Recto, sa isyu patungkol sa farm-to-market roads, an Department of Agriculture an nagtao nin listahan para sa popondohang mga proyekto.
An Presidential Assistance to Farmers na sigun ki Sen. Imee Marcos an saro na naman na klase nin ayuda asin sumulpot sana sa bicam, nilinaw kan executive secretary na nakapalaog ini sa GAB version na obhetong masustentuhan an farm gate prices kan paroy tangani maalalayan an presyo kan bagas.
Umapela si Recto sa mga may duda na mawawara an patronage politics sa irarom kan 2026 national budget.
