Pigkompirmar kan Department of Justice (DOJ) na dae nakikipagtabangan an gobyerno kan Malaysia sa pigsasagibong imbestigasyon kan Pilipinas dapit sa pagkatakas sa nasyon ni Bamban, Tarlac Mayor Alice Guo.
Sinaysay ni DOJ Secretary Jesus Crispin Remulla, na pwedeng habong pag-ulayan kan Malaysia an haloy ng territorial dispute sa duwang nasyon dapit sa Sabah.
Maski na anong hapot soboot kan DOJ, dae nagtataong detalyes an Malaysian government kun panp naka-abot sa sainda si Guo.
Magin an flight records asin detalyesbkan eroplanong piglunadan kaini tanganing makatakas asin makaabot sa Malaysia an dar nagtao an gobyerno kan Malaysia.
Marurumdumang nagsagibo nin imbestigayon an Senado dapit sa pagtakas ni Guo sa nasyon kun saen inako kan Bureau of Immigration na naggamit nin backdoor an dating alkalde sa paagi kan pag-agi sa Tawi-Tawi pasiring Sabah.
Si Guo o bistado komo Guo Hua Ping, inarestar sa Indonesia kan Setyembre 2024 makalihis na mahampang sa pirang kaso huli sa operasyon kaini sa iligal na POGO operations.
